السلطة الرابعة : ديانا الجابري .. تحيا سوريا العز والكتل الوطنية والمدن الأكابر والريف الفاخر .
تحيا سوريا العز والكتل الوطنية والمدن الأكابر والريف الفاخر، وتسقط عقيدة الأسد وحياة النشح واشتراكيتهم اللي بتعني الشراكة بالبؤس بس !!!!
تحيا الأسواق السورية اللي كانت بتغذي أوربا، وشوارع الشام وحلب اللي كانت أنضف من باريس، وصالونات الأدب والسهر قبل عصور الدخان والشحوار !!!!
تحيا البرلمانات اللي كانت تدرس الغرب كيف الديمقراطية، تحيا عصور فارس الخوري ومصطفى السباعي والرؤساء اللي بوقفو سياراتهم بالكراجات الحكومية بعد الدوام !!!!
تحيا السهوب اللي كانت خضرا قبل ما يغزيها جراد الجبل، تحيا المدارس اللي كانت بيضا قبل ما يغزيها قمل الطلائع، تحيا الجامعات اللي كانت تخرج نخب العالم قبل ما تصير تعطي شهاداتها لدكاترة بيت الأسد وهنن عم يشربو كاس الويسكي !!!!
تحيا سوريا اللي كانت منارة لمهاتير محمد قبل ما تصير مكب قمامة لدول العالم !!!!
تحيا سوريا اللي كان مواطنها تنفتح إلو مطارات العالم قبل عصور الهمج اللي خلى الصومال تطلب فيزا للسوري !!!
تحيا سوريا اللي كان رئيسها يضحي بمنصبه كله بسبيل حلم الوحدة، قبل ما يصير رئيسها غراب تايه بضحي بحجرا وبشرا بسبيل يحكمها !!!!
تحيا الشام عاصمتنا عاصمة العز وتحيا غوطتها وثوارها ويحيا بردى الخير ويسقط عصر الجفاف والمستوطنات والعناكب والعسكر والحواجز بكل منعطف !!!!
تحيا الشام عاصمة النور والأناقة والعطور والناس الشبعانة ويسقط عصر القرف والفنادق المحتلة من نسوان التشادور ورجال العمائم !!!!
تحيا الشام حرة نضيفة رافعة راسها دايماً، ويسقط حكم سرقة المسؤولين ورشوة الموظفين ودعارة الضباط وخيانة وزراء الدفاع !!!!!
السلطة الرابعة : فيس بوك : ديانا الجابري
